-Ori, këtë herë je e ftuar në një rubrikë të veçantë, “Alfabeti i personazhit” një formë interviste e re në Albania Showbiz, sepse duam të dimë pak më shumë rreth teje…je dakord besoj?
-Faleminderit shumë, sigurisht që jam dakord…!
-T’a nisim me A, si artist… Çfarë “emri” ka artisti brenda teje?
– Jam pak në botën time dhe ndjej një ajër kënaqësie sa herë këndoj. Them se Nancy Ayram eshte artistja që kam muzë e frymëzim.
-B, si besimi, është e vështirë që dikush të fitojë besimin tënd?
– Si natyrë jam tip që dua të njoh sa më shumë njerëz dhe më parë u kam dhënë besim njerëzve të gabuar. Problemi im është që nuk e them direkt nëse s’më pëlqen dikush apo diçka, vetem kur mbushet kupa, pasi dua që t’a kuptoj vetë gabimin tjetri. Me kalimin e kohës jam perpjekur të ndryshoj!
-D si Dashuria… Ka një emër konkret dashuria jote?
– Unë kam tre dashuri: familjen, muzikën dhe bukurinë(Qesh)) Bukurinë si koncept ë, të jemi të qartë…!
-E si eklipsi…Çfarë do dojë të eklipsoje të paktën për një moment në muzikë?
-Kaosin në muzikë. Ka filluar avash avash të pastrohet, ishalla i shkojnë deri në fund!
-F si fitorja… Cilën konsideron fitoren tënde më të madhe deri tani?
-Familjen, vajzat e mia! Ndërsa në muzikë akoma s’e kam arritur fitoren më të madhe, atë të cilën unë synoj.
-G si gëzimi… Cili ka qenë gëzimi më i madh që ke përjetuar deri sot?
-Kam shumë gëzime,por vajzat e mia janë qershia mbi tortë.
-I si intuitë… Në çfarë niveli e ke intuitën?
– Le te themi që nuk më kalon asgjë nën hundë edhe pse bëj si naive,për të parë deri ku shkon tjetri.
-J si Jeta… Çfarë do të doje të mos mungonte kurrë në jetën tënde dhe çfarë do të doje të mos e provoje kurrë në jetë?
– Janë dy: paqja dhe dashuria. Kam kaluar shumë momente të hidhura në jetë që se kisha menduar se do i kaloja. Besoj se me fatin nuk bëhet shaka, me atë që të sprovon Zoti duhet ta perballosh.S’kam provuar gjëra që dëmtojnë mua apo të tjerët.
-K si këngë dhe klipe, sa këngë ke në treg dhe pse mendon se është e domosdoshme të shoqërohen këngët me klip?
– Kam dy klipe dhe po bët gati i treti. Megjithatë mendoj se suksesi nuk varet nga klipet por nga ajo që ti përçon përmes interpretimit!
-M si muzika… Sa të lidhur e shikon veten me muzikën?
-Jam e “varur”(Qesh). Një ditë mos të këndoj bëhem keq qofte dhe një orë në shtëpi!
– Të zë ndonjëherë frika se ndoshta ke investuar jo aty ku duhet?
– Jo! Kam pershtypjen që çdo gjë arrihet ngadalë, me hapa të vegjël por me suksese të mëdha. Thjesht pres momentin tim të shkëlqimit dhe do vijë shumë shpejt!
– N si ndërlikimi… Ti e di që ne jemi shumë kuriozë…Kërkesat e tua ndaj muzikës janë të ndërlikuara apo të thjeshta?
– Dua gjëra të bukura, që të pëlqehen nga publiku dhe të mund të përcillen ashtu siç duhet. Mund të duket e ndërlikuar,por është e thjesht fare!(Buzëqesh)
– P si parfumi… A janë parfumet pika jote e dobët? Cili është ai i momentit?
– Më ke prekur në tela. Shishe parfumi kudo nëpër shtëpi, Chanel is the best ♥️
– S si suksesi… cilin konsideron suksesin tënd më të madh?
– E thashë dhe më sipër, akoma s’e kam arritur atë sukses që unë kërkoj!
– Po S si seksi… Temë tabu për ty?
– Pooo, më pëlqen të vishem dhe ndihem seksi më atë që kam veshur!(Buzëqesh)
– Sh si shoqëria… Më kanë thënë se je tip shumë i shoqërueshëm. E vërtetë është? Sa e rëndësishme është ajo për ty?
– E vërtet! Nuk është se kam shumë miq, por ata që i mendoj miq dua që të jenë mirë, kudo që të jenë.
-T si Tirana… Me cilin qytet të botës do ta ndërroje?
– Tirana mbetet Tiranë. Tirana ka kaos por ka dhe zhurmën që të rrëmben e të kenaq.
– V si vite..sa vite eksperiencë mendon se të bëjnë të quhesh këngëtar apo kjo gjë nuk ndikon shumë?
– Sa më shumë vite aq më mirë. Edhe pse nëse je artist në shpirt, vitet janë thjesht numër!
– Z si zemra… Zakonisht ndjek më shumë zemrën apo arsyen?
-Jam ndërmjet të dyjave. Pendohem shpejt(Qesh)